Տեղեկատվության պաշտպանության և տնային կենդանիների միջազգային օր

Այսօր Տեղեկատվության պաշտպանության միջազգային օրն է

1988-ին Համակարգչային սարքավորումների ամերիկյան ասոցիացիայի կողմից նոյեմբերի 30-ը հռչակել է Տեղեկատվության պաշտպանության միջազգային օր (Computer Security Day), համակարգիչ օգտագործողներին հիշեցնելու իրենց համակարգիչների և այնտեղ պահպանվող տեղեկությունների պաշտպանության անհրաժեշտության մասին:

Օրը պատահական չէր ընտրված. Հենց այդ օրն էր արձանագրվել «որդի» առաջին մասսայական համաճարակը,որը կոչվել է իր ստեղծողի՝ Մորիսի անունով:

Առաջին համակարգչային վիրուսի նախատիպը ի հայտ է եկել 1983-ին, և այդ ժամանակից ի վեր, անցկացվում են տեղեկությունների պաշտպանության միջազգային կոնֆերանսներ, որտեղ մասնավորապես հաղորդվում է անպաշտպան սարքավորումների վնասի չափերը: Օրինակ 2000-ի «I love you» վիրուսը միայն Հյուսիսային Ամերիկային մեկ միլլիարդ դոլլարի վնաս է հասցրել:

Այսօր նաև տնային կենդանիների միջազգային օրն է

Ամեն տարի նոյեմբերի 30-ին նշվում է Տնային կենդանիների համաշխարհային օրը (World Day Pets)։ Տոնը սահմանվել է 1931թ. բնության պաշտպանության շարժման կողմնակիցների միջազգային համաժողովում՝ Իտալիայի Ֆլորենցիա քաղաքում:

Արևմտյան Եվրոպայի շատ երկրներում տնային կենդանիները համարվում են ընտանիքի մի մասը եւ ունեն ընտանիքի անդամներին հավասար իրավունքներ: Կենդանիների օրը սահմանվել է հասարակության շրջանում շրջակա միջավայրի պաշտպանության անհրաժեշտության գիտակցման, ակտիվության եւ կենդանիների պաշտպանության մակարդակի բարձրացման նպատակով:

Զարմանալի չէ, որ այդ օրվա նշանաբանը Անտուն դե Սենտ-Էքզյուպերիի հայտնի «Փոքրիկ իշխանը» ստեղծագործությունից է. «Դու հավերժ պատասխանատու ես նրանց համար, ում ընտելացրել ես»: