четверг

ԶԳՈՒՇԱՑՈՒՄ

Էլեկտրոնային հասցեների միջոցով վտանգավոր վիրուս է տարածվում, որը նպատակ ունի տվյալներ գողանալու միջոցով գումար հափշտակել։
Եթե անգամ ծանոթից եք ստացել նման բովանդակությամբ նամակ, մի շտապեք ներբեռնել ֆայլը։ 
Կապի այլ միջոցով ճշտեք՝ արդյո՞ք իսկապես ձեզ նման բան ուղարկել են։

вторник

Փաստերի ստուգում. տեղեկություն ստանալու հարցում


ՀՀ վարչապետի աշխատակազմ
ՀՀ վարչապետ Նիկոլ Փաշինյան
Սախարովի անվան մարդու իրավունքների պաշտպանության հայկական կենտրոնի
Գյումրու մասնաճյուղ, 
Հայրապետյան Լուսինե Բենիամինի


Տեղեկություն ստանալու հարցում


Հարգելի պրն՝ Ն· Փաշինյան
Համաձայն ՀՀ Սահմանադրության 42 և 51 հոդվածների և «Տեղեկատվության ազատության մասին» ՀՀ օրենքի 6-րդ և 9-րդ հոդվածների՝ խնդրում եմ ինձ տրամադրել տեղեկություններ՝
1. Շիրակի մարզում գործազուրկների թվի ավելացման մասին 2019թ.-ից մինչև 2020թ.-ի հունվար ամիսը ներառյալ ընկած ժամանակահատվածում:
2. Մինչև 2020թ.-ի հունվար ամիսը ներառյալ պաշտոնապես գրանցված գործազուրկների թիվը Գյումրի քաղաքում:
3. Մարզերի մակարդակով Շիրակի մարզը ո՞ր տեղն է զբաղեցնում գործազրկության ցուցանիշով և ո՞ր մարզերն են զբազեցնում 1-ին,2-րդ,3-րդ տեղերը 2018թ-ից մինչև 2020թ.-ի հունվար ամիսը ներառյալ:


«Տեղեկատվության ազատության մասին» ՀՀ օրենքի 9-րդ հոդվածի համաձայն ՝ քաղաքացիների տեղեկություն ստանալու գրավոր հարցմանը պատասխան տրվում է այն ստանալուց հետո 5-օրյա ժամկետում, բացառությամբ լրացուցիչ աշխատանք պահանջող տեղեկատվության: Ուստի, խնդրում եմ տեղեկություն ստանալու հարցումիս պատասխանել օրենքով սահմանված կարգով և ժամկետներում:
Տեղեկատվության տրամադրումը մերժելու դեպքում խնդրում եմ գրավոր տեղյակ պահել մերժման հիմքի մասին (հոդված 11) և հնարավորության դեպքում տրամադրել այն պետական մարմնի կամ պաշտոնատար անձի հասցեն, որին կարող եմ ուղղել հարցումը:

четверг

Սոցիալական մանկավարժի դերը կրթական համակարգում. հարցազրույց ՇՊՀ Հոգեբանության, սոցիոլոգիայի և սոցիալական աշխատանքի ամբիոնի դասախոս, Հայկական սոցիոլոգիական ասոցիացիայի անդամ Անդրանիկ Շահինյանի հետ


Անդրանիկ Շահինյան
-Կրթական համակարգում որո՞նք են այն հաստատությունները, որ ունեն սոցիալական մանկավարժի կարիք.
-Կրթական համակարգում սոցիալական մանկավարժի կարիք ունեն հետևյալ հասատատությունները՝ հանրակրթական դպրոցը, մանկավարժահոգեբանական աջակցման կենտրոնը, դժվար և շեղվող վարքով երեխաների հետ մասնագիտացված հաստատությունները, ռեաբիլիտացիոն /վերականգնողական/, շտկողական, խորհրդատվական կենտրոնները։

-Ու՞մ հետ է աշխատում սոցիալական մանկավարժը կրթական համակարգում։

-Սոցիալական մանկավարժը կրթական համակարգում աշխատում է հետևյալ խմբերի երեխաների հետ՝ ինտելեկտի և զարգացման խանգարումներով, տնային պայմաններում ուսուցանվողների, դեզադապտացված երեխաների, ովքեր մտնում են ախտաբանական, հոգեսոցիալական և սոցիալական տիպերի մեջ, վարքի շեղումներով, կյանքի դժվարին իրավիճակներում հայտնված երեխաների  և անչափահաս իրավախախտների հետ։

-Ի՞նչ է նշանակում լինել սոցիալական մանկավարժ։
-Սոցիալական մանկավարժն այն մասնագետն է, որը կամրջում է մեծահասակների և փոքրերի կյանքը. նա դպրոցի, ընտանիքի և հասարակության միջև ամուր կապ ստեղծողն է, դժվար իրավիճակում հայտնված երեխայի առաջին օգնականն ու պաշտպանը, վերադաստիարակման գործընթացում հայտնված անչափահասի, նրա ծնողների ընկերն ու խորհրդատուն: Այն սոսկ մասնագիտություն և բարձրագույն կրթություն չէ. «Դա կոչում է, նվիրում, մարդու, երեխայի, մանկության նկատմամբ մեծագույն պատասխանատվություն, ուրիշի ցավն ու դժբախտությունը զգալու, օգնության հասնելու պատրաստակամություն ու ցանկություն, ապրումակցում, հանդուրժելու կարողություն»:
Սոցիալական մանկավարժի կարևորագույն խնդիրներն են՝ աջակցել երեխային հոգեպես,
սովորեցնել համակերպվել դժվարություններին, ինչ-որ ուղի գտնել և որոշում ընդունել,
համոզել նրան, որ ամեն ինչ կարելի է փոխել դեպի լավը։

пятница

Հեռավար ուսուցումը Հայաստանի Ազգային Պոլիտեխնիկական Համալսարանի ԳՄ-ում. Հարցազրույց Հայաստանի Ազգային Պոլիտեխնիկական Համալսարանի Գյումրու մասնաճյուղի ուսումնամեթոդական աշխատանքների գծով փոխտնօրեն Հովհաննես Մանուկյանի հետ


-Ինչպես  բոլոր  կրթական  հաստատությունները  Պոլիտեխնիկական  համալսարանը  ևս իրականացնու՞մ  է  հեռավար  ուսուցում  և  ի՞նչ  կարծիք  ունեք  նման  ուսուցման վերաբերյալ:
-Այո,  պոլիտեխնիկական  համալսարանը  և  Գյումրու  մասնաճյուղը  ևս  ուսումնական գործընթացը  կազմակերպել  են  հեռավար  ձևով՝  օգտագործելով  ժամանակակից հեռավար  դասավանդման  համար  անհրածեշտ  տեխնոլոգիական  միջոցներ:  Ասեմ ավելին,   ՀՀ-ում  առաջին  անգամ  պոլիտեխնիկի  Մայր  Բուհ-ի  կողմից  մշակվեց  և ներդրվեց  առցանց  ուսուցման  հարթակ՝   iUniversity-ն:
Ուսուցման  նման  ձևը  մեր  համար  կարելի  է  ասել  նոր  էր,  սակայն  կրթության ոլորտում  որպես  այդպիսին  հայտնի  էր:  Այն  իմ  կարծիքով  ունի  և  դրական  և բացասական  կողմեր,  որոնք  նաև  պայմանավորված  են  առանձին մասնագիտությունների  կամ  առարկաների  յուրահատկություններից:
-Եղե՞լ  են  բողոքներ  դասախոսական  կազմից  կամ  ուսանողներից  կապված հեռավար  ուսուման  վերաբերյալ,  եթե  այո,  ապա  հիմնականում  ի՞նչ  բողոքների մասին  է  խոսքը:
-Բողոքներ  որպես  այդպիսին  չունենք,  բայց  ունեինք  որոշակի  դժվարություններ կապված  հիմնականում  հեռավար  ուսուցման  համար  անհրաժեշտ  սարքավորումների կամ  համացանցի  բացակայության  հետ:  Սակայն  ժամանակի  ընթացքում  կարելի  է ասել  հաղթահարվեցին  բոլոր  դժվարությունները,  և  ներկայումս  ամեն  ինչ  ընթանում  է  իր  բնականոն  հունով,  ունենք  հեռավար  ուսուցման  համար  հաստատվաց դասացուցակ:

четверг

«Մարդու իրավունքները փակ հաստատություններում». հարցազրույց փաստաբան Թամարա Յայլոյանի հետ


 -Ինչպիսի՞ն է մարդու իրավունքների վիճակը փակ հաստատություններում, վերջին երկու տարիների ընթացքում:
-Առաջին հերթին փակ հաստատություններ ասելով հասկանում ենք քրեակատարողական հիմնարկները, հոգեբուժարանները, եվ ներկայիս պայմաններում նաև մեկուսացման վայրերը: Կարևոր եմ համարում առաջին հերթին խոսել, թե ինչ պայմաններում են մարդիկ պահվում փակ հաստատություններում, օրինակ` հոգեբուժարաններում վերջին երկու տարիներին վիճակը այդքան էլ բարվոք չէ՝ թե շենքային, թե տեխնիկական հատվածով, սակայն վերջերս ընդունվել է մի օրենք, ըստ որի մարդուն չեն կարող ստիպողաբար պահել հոգեբուժարաններում, եթե  քրեական հանցանագործություն կամ օրենքի հետ կապված խնդիրներ չի ստեղծել:
՞րն է ընդունված օրենքի դրական եվ բացասական կողմը:
-Սա մի կողմից լավ է այն առումով, որ մարդուն իր կամքից անկախ չեն կարող պահել, և վատ է այն առումով, որ անհատը կարող է գիտակցական բավարար մակարդակ չունենալ և վնասել շրջապատի մարդկանց` վերահսկողության տակ չմնալով: Իմ կարծիքով պետությունը պետք է ստեղծի կիսաբաց հաստատություններ, որտեղ ագրեսիվության բավարար մակարդակ չունեցող մարդիկ ինքնակամ գան բուժվելու որոշակի գումարով: Ընտանիքի անդամների համաձայնությամբ նրանց հաճախ թույլատրվի դուրս գալ զբոսնելու:  
Ինչ վերաբերում է քրեակատարողական  հիմնարկներին, վերջին տարիներին և հեղափոխությունից հետո վիճակն ավելի բարվոք է, նախկինում եղել են մի շարք բողոքներ,  որ եթե մի սենյակեւմ պիտի մնան հինգ հոգի, մնում են տասնյոթ հոգի, մարդիկ հատակներին են քնում և ավելանում է միմյանց վրա ճնշումներ գործադրելը, իսկ այժմ նման բողոքներ գրեթե չկան: Նման հիմնարկներում առավել պետք է աշխատակազմի հետ աշխատանքներ տանել, նոր մեթոդներ կիրառել աշխատանքն ավելի արդյունավետ դարձնելու համար և ստեղծել մի անձնակազմ, որը հնարավորինս կբացառի իրար մեջ «հարց լուծելու» մշակույթը: