Մարդամեջ նորարարական ճամբար

Mardamej:Reload

«Mardamej: Reload 2012» երկրորդ սոցիալական նորարարության ճամբարը տեղի կունենա նոյեմբերի 23-25, Ծաղկաձորում։

Սոցիալական նորարարությունը սոցիալական խնդիրները նոր գործիքներով լուծելու մեթոդ է: Սոցիալական նորարարութան ճամբարը մեկտեղ է բերում մարդկանց, գաղափարներ և թվային տեխնոլոգիաներ՝ առցանց սոցիալական նորարարություններ ստեղծելու համար:  Օնլայն աշխարհը հսկայական ներուժ ունի, որ կարող է փոփոխությունների բերել իրական կյանքում։

2012թ. «Մարդամեջը» միտված է լինելու հակակոռուպցիոն խնդիրների նորարար լուծումների մշակմանը։

Տարիներ շարունակ Հայաստանում իրականացվում են հակակոռուպցիոն ծրագրեր՝ թե՛ կառավարության, թե՛ հասարակական կազմակերպությունների նախաձեռնությամբ: Սոցիալական նորարարության ճամբարը ոչ թե կրկնում, այլ լրացնում և օպտիմալացնում է իրականացվող ծրագրերը՝ տալով նորարար մոտեցումներ ավանդական դարձած խնդիրներին: Որո՞նք են այն խորքային պրոբլեմները, որոնց հետևանքն է կոռուպցիան: Ինչպե՞ս կարելի է ազդել կոռուպցիայի նկատմամբ հանրային հանդուրժողականության վրա: Ինչպիսի՞ն պետք է լինի պատասխանատու և թափանցիկ պետական կառավարումը: Ո՞րն է ինֆորմացիայի դերը սոցիալական պրոբլեմների լուծման ժամանակ:  Ինչպե՞ս ծառայեցնել Web և Mobile տեխնոլոգիաները այս խնդիրների լուծմանը:

Ճամբարի թիմը հանդիպում-քննարկումներ է նախատեսել Հայաստանի մարզերում և Երևանում:

Հայտնի են մարզերում կայանալիք հետևյալ հանդիպմումների վայրերը և ամսաթվերը՝

Հոկտեմբերի 10, Շիրակ

 ժ. 15:00 – ք. Գյումրի, Գյումրի ԻնֆոՏուն,

Մհեր Մկրտչյան 38ա շենք, բն. 1, «Սախարովի մարդու իրավունքների կենտրոն»

Հոկտեմբերի 13, Շիրակ

 ժ. 15:00 – ք. Գյումրի, Գյումրի ԻնֆոՏուն,

Մհեր Մկրտչյան 38ա շենք, բն. 1, «Սախարովի մարդու իրավունքների կենտրոն»

Հետևեք մեր էջին, որտեղ անընդհատ թարմացվելու է հանդիպումների ժամանակացույցը և մասնակցեք ձեր քաղաքում պլանավորված հանդիպմանը:


Մանրամասների համար կարող եք անցնել այս հղումով`

http://mardamej.wordpress.com/