Հեռավար ուսուցումը Հայաստանի Ազգային Պոլիտեխնիկական Համալսարանի ԳՄ-ում. Հարցազրույց Հայաստանի Ազգային Պոլիտեխնիկական Համալսարանի Գյումրու մասնաճյուղի ուսումնամեթոդական աշխատանքների գծով փոխտնօրեն Հովհաննես Մանուկյանի հետ

-Ինչպես  բոլոր  կրթական  հաստատությունները  Պոլիտեխնիկական  համալսարանը  ևս իրականացնու՞մ  է  հեռավար  ուսուցում  և  ի՞նչ  կարծիք  ունեք  նման  ուսուցման վերաբերյալ:

-Այո,  պոլիտեխնիկական  համալսարանը  և  Գյումրու  մասնաճյուղը  ևս  ուսումնական գործընթացը  կազմակերպել  են  հեռավար  ձևով՝  օգտագործելով  ժամանակակից հեռավար  դասավանդման  համար  անհրածեշտ  տեխնոլոգիական  միջոցներ:  Ասեմ ավելին,   ՀՀ-ում  առաջին  անգամ  պոլիտեխնիկի  Մայր  Բուհ-ի  կողմից  մշակվեց  և ներդրվեց  առցանց  ուսուցման  հարթակ՝   iUniversity-ն:

Ուսուցման  նման  ձևը  մեր  համար  կարելի  է  ասել  նոր  էր,  սակայն  կրթության ոլորտում  որպես  այդպիսին  հայտնի  էր:  Այն  իմ  կարծիքով  ունի  և  դրական  և բացասական  կողմեր,  որոնք  նաև  պայմանավորված  են  առանձին մասնագիտությունների  կամ  առարկաների  յուրահատկություններից:

-Եղե՞լ  են  բողոքներ  դասախոսական  կազմից  կամ  ուսանողներից  կապված հեռավար  ուսուման  վերաբերյալ,  եթե  այո,  ապա  հիմնականում  ի՞նչ  բողոքների մասին  է  խոսքը:

-Բողոքներ  որպես  այդպիսին  չունենք,  բայց  ունեինք  որոշակի  դժվարություններ կապված  հիմնականում  հեռավար  ուսուցման  համար  անհրաժեշտ  սարքավորումների կամ  համացանցի  բացակայության  հետ:  Սակայն  ժամանակի  ընթացքում  կարելի  է ասել  հաղթահարվեցին  բոլոր  դժվարությունները,  և  ներկայումս  ամեն  ինչ  ընթանում  է  իր  բնականոն  հունով,  ունենք  հեռավար  ուսուցման  համար  հաստատվաց դասացուցակ:

-Բավական  ժամանակ  է  ինչ  դասախոսությունները  իրականացվում  են  հեռավար ուսուցման  տարբերակով,  ինչպիսի՞  կարծիքներ  եք  ստացել  դասախոսական կազմից  հեռավար  ուսուցման  վերաբերյալ,  համարու՞մ   են  արդյունավետ:

-Նկատի  ունենալով  այն,  որ  գործընթացը  ինչպես  բոլորի,  այնպես  էլ  մեր մասնաճյուղի  համար  նոր  էր,  կիրառվող  գործիքակազմն  ու  մեթոդներն  անծանոթ, կարծիքները  տարբեր  էին:  ՈՒնենք  և  դրական  կարծիքներ  և  բացասական: Դրականներից  նշեմ  այն,  որ  այս  մեթոդի  լիարժեք  յուրացումը  հնարավորություն կարող  է  ստեղծել  հետագայում  մասնաճյուղի  շատ  մասնագետների  համար  տարբեր ուսումնական  հաստատություններում  հանդես  գալու  հեռավար  դասախոսություններով և  հակառակը:  Բացասական  կարծիքները  հիմնականում  կապված  են  առանձին առարկաների  մասով,  օրինակ  քանդակ,  նկարչություն  և  նմանատիպ  այլ  առարկաների  դասավանդման  անհնարինության  կամ  ոչ  լիարժեք  դասավանդման  հետ,  առարկայի  առանձին  բաղադրիչների՝  գործնական  կամ  լաբորատոր աշխատանքների  կատարման  հետ:  Բայց  դրանք  իմ  կարծիքով  ևս  հաղթահարելի  են:

Արդյունավետության  հետ  կապված  ասեմ,  որ  դեռ  վաղ  է  գնահատական  տալը, գործընթացը  նոր  է,  առկա  են  թերություններ,  բացթողումներ,  տեխնիկական,  օբյեկտիվ և  սուբյեկտիվ  խնդիրներ,  որոնք  ամենօրյա  աշխատանքային  ռեժիմով  փորձում  ենք լուծել  և  հաղթահարել:

-Արդյո՞ք  հայտնի  է՝  ինչպես  են  ուսանողները  հանձնելու  ընթացիկ  ավարտական քննություննրը  իսկ  ավարտող  ուսանողները՝  դիպլոմային  աշխատանքները:

-Այո  հայտնի  են,  ավարտական  խմբերի  համար  արդեն  սկսվել  է  քննաշրջանը, ուսանողներն  արդեն  սկսել  են  հանձնել  քննություններ:  Քննությունները  հանձնում  են iUniversity  առցանց  ուսուցման  հարթակում  թեսթային  տարբերակով:  Ավարտական աշխատանքների  պաշտպանությունը  ևս  իրականացվելու  է  առցանց  տարբերակով:

-Սկսվե՞լ  է  դիմորդների  հայտերի  ընդունման  փուլը,  եթե  այո,  ապա  ինչպե՞ս  է իրականացվում  այդ  գործընթացը:

-Դեռ  ոչ,  չի  սկսվել:  Սովորաբար  այդ  գործընթացը  սկսվում  է  մայիսի  սկբից, բայց  այս  պահին  տեղեկություն  չունենք  որևէ  փոփոծության  վերաբերյալ:

Հարցազրուցը վարեց Լիլիթ Գալոյանը,

Գյումրի ինֆոտան մեդիագրագիտության դասընթացների շրջանավարտ (2020)

Ծանուցում*
Հոդվածում արտահայտված մտքերը և վերլուծությունները կարող են չհամըկնել Գյումրի ինֆոտան, Սախարովի կենտրոնի պաշտոնական դիրքորոշումների և տեսակետների հետ: