ՀԱՅՏԱՐԱՐՈՒԹՅՈՒՆ

Եվրասիա համագործակցություն հիմնադրամը և «Ա.Դ.Սախարովի անվան մարդու 
իրավունքների պաշտպանության հայկական կենտրոնի Շիրակի տարածաշրջանային մասնաճյուղը» հրավիրում են Ձեզ մասնակցել

Երիտասարդական Բանկ ծրագրին

Եթե Դուք՝

16- 25 տարեկան եք, և ուզում եք, որ

Ձեր կարծիքը լսելի լինի,

Մասնակցել Ձեր համայնքի բարելավմանը,

Նախաձեռնել դրական փոփոխություններ,

Ձեռք բերել առաջնորդի և ակտիվ քաղաքացու հմտություններ,

Պատրաստ եք գործ ունենալ իրական գումարների հետ,

Ապա  միացե՛ք

Երիտասարդական Բանկ ծրագրին

Ինչպե՞ս մասնակցել.

Ծրագրին մասնակցելու պայմաններին ծանոթանալու համար հրավիրում ենք Ձեզ 
մասնակցել ծրագրի մեկնարկային միջոցառմանը, որը տեղի կունենա

Նոյեմբերի 20-ին, ժամը 16:00-ին «Ա.Դ.Սախարովի անվան մարդու իրավունքների պաշտպանության հայկական կենտրոնի Շիրակի տարածաշրջանային մասնաճյուղում», Մ.Մկրտչյան 38ա շենք, բն.1:

 Տեղեկությունների համար կարող եք զանգել` 5 69 17 հեռախոսահամարով:

«Սայլակով ժպտացող տղան»

Արդեն մի քանի ամիս է, ինչ գյումրեցի մի քանի երիտասարդներ գունավոր խցաններից խճանկարներ են պատրաստում ու տեղադրում քաղաքի գլխավոր թաղամասերից մեկում: 

Նախագծի մտահղացման հեղինակ Արսեն Վարդանյանը պատմում է, որ խճանկարների գաղափարն առաջացել է, երբ տեսել են նմանատիպը Սլովակիայում ու որոշել` Գյումրում նույնպես այն իրականություն դարձնել: Ապրիլից քաղաքում արդեն չորս խճանկար է ստեղծվել, որոնցից վերջինը` «Սայլակով ժպտացող տղան»` Անի թաղամասում` Պ. Սևակի փողոցում, մանկավարժական ինստիտուտի դիմաց: Վերջինիս իրականացմանն աջակցել է Գյումրու Երիտասարդական բանկ կոմիտեն Եվրասիա Համագործակցություն Հիմնադրամի «Anti-discrimination» ծրագրի շրջանակներում:

Նախաձեռնության հեղինակները «Սայլակով ժպտացող տղային» լացող տղայի դիմաց են տեղադրել. «Արդեն ժպտացող, լացի փոխարեն, սա կոչ է, հույս, բողոք, պահանջ, նա մեր ժպիտն է` քաղաքի ժպիտը»,– ասում է Արսենն ու հավելում, որ քաղաքում տեղաշարժման դժվարություններ շատերն ունեն, այդ խնդիրը բոլորինն է, ու խճանկարը տեղադրվել է հարցին որոշ չափով հնչեղություն հաղորդելու, կուտակվածը բարձրաձայնելու համար: Տղաները քաղաքում բարու, կարևորի ու անհրաժեշտի պակասը փորձել են լրացնել գունավոր ու ժպտերես տղայի միջոցով: Խճանկարի պատրաստմանը մասնակցել են նաև «Էմիլ Արեգակ» հաշմանդամություն ունեցողների խնամքի կենտրոնի երեխաները, որոնք իրենց ձեռքերով ներկել են նկարի խցանները, իրենք էլ դարձել նկարի մի մասնիկը:

Տեղադրվելուց հետո սայլակով տղայի մասին արձագանքները տարբեր են, հեղինակները մեկնաբանություններ չեն տալիս ու կոչեր չեն անում, հետևություններն էլ թողնում են գյումրեցիներին, բայց խոստովանում են, որ արձագանքները գնալով լավանում են, ուշադրությունն էլ` ավելանում: Նրանք հույս ունեն, որ իրենց հասակակիցները մի օր դուրս կգան կաղապարներից, ավելի նոր ու գունավոր կսկսեն մտածել, բաց կլինեն նորարարությունների համար, ժպտացող տղան էլ շատերին կօգնի ժպտալու:

Ռեսուրսները հանուն հաշմանդամություն ունեցող երեխաների համար

Ս/թ հուլիսի 5-ից մեկնարկեց «Ռեսուրսները հանուն հաշմանդամություն ունեցող երեխաների համար» ծրագիրը, որի շրջանակում օգոստոսի 9-ին Գյումրի քաղաքի թիվ 1 ավագ-ներառական դպրոցում իրականացվեց հաշմանդամություն ունեցող երեխաների ազատ տեղաշարժվելու իրավունքի ապահովման՝ թեքահարթակների կառուցման և սանհանգույցի դռան հարմարեցման գործընթացները: 
Ծրագրի նպատակն է՝ ապահովվել հնարավոր միջոցներ հաշմանդամություն ունեցող երեխաների զարգացմանը և անհրաժեշտ կարիքների ապահովմանը դպրոց հաճախելիս:Ծրագրի ղեկավարն է Գևորգ Վարդազարյան:
Ծրագիրն իրականացվում է Գյումրու Երիտասարդական բանկ կոմիտեի ֆինանսավորմամբ «Anti-discrimination» ծրագրի շրջանակներում:

ՄԷԿ նախագիծը կրկին Գյումրիում

Սեպտեմբերի 6-ին Գյումրու Բեռլին հյուրանոցի դահլիճում տեղի ունեցավ “ՄԷԿ” նախագիծ կինո-թատերական կրթություն` փորձի փոխանակմամբ միջոցառումը: Սկզբում ներկայացվեց նախագծի նպատակները` “ՄԷԿ ԿԱԴՐ” և “ՄԷԿ ՔԱՌԱԿՈՒՍԻ ՄԵՏՐ” փառատոնների առանձնահատկությունները, կինոթատերական արվեստի արտադրության ձևերը, որոնցից կարող են օգտվել հանդիսականներն ու հանդիսատեսից վերածվել արվեստ արտադրողների:
 Սեպտեմբերի 7-ին դասընթացի մասնակիցները հանդես եկան իրենց սեփական  ստեղագործություններով: Գյումրի ԻնֆոՏան անդամներն հանդես եկան "Գյումրեցի Կիկոսի մահը" թատերական ներկայացմամբ: Մասնակիցները նույնիսկ փորձ չէին հասցրել անել, դերերը բաժանել էին նախորդ օրն, այստեղ էլ օգնության էր հասել ֆեյսբուք սոցիալական ցանցը:
Ի տարբերություն թատերական ներկայացումների`  դասընթացի մասնակիցները 10-ից ավելի ֆիլմեր էին նկարահանել: Այդ ֆիլմերը ցուցադրվեցին, որից հետո սկսվեց քննարկում կատարած աշխատանքների վերաբերյալ: Ինֆոտան և Գյումրու Երիտասարդական բանկ կոմիտեի անդամների մեկ մետրի վրա թատերական ներկայացմանը կարող եք ծանոթանալ այստեղ`

http://www.youtube.com/watch?v=2cdPrlBz1mY&feature=youtu.be&fb_source=message

Ծառատունկ Հաղթանակի պողոտայի զբոսայգում

Ապրիլի 21-ին Գյումրիում տեղի ունեցավ քաղաքի կանաչապատման ակցիա-ծառատունկ: Ծառատունկը կազմակերպել էին գյումրեցի բնապահպան ակտիվիստների խումբը: Ծառատունկին իրենց մասնակցությունը բերեցին Գյումրու Երիտասարդական բանկի և Գյումրի ԻնֆոՏան անդամները:  Գյումրու Հաղթանակի  պողոտայի զբոսայգում` քաղաքի կենտրոնական մասում, տնկվեցին մոտ հարյուր բարդի:

Ծառատունկի մասնակիցները տնկիները ձեռք բերեցին շինարարության համար նախատեսված և կիսաքանդ վիճակում թողնված փոսից, որտեղ բնական ճանապարհով աճել էին  500-ից ավելի բարդի: Այդ փոսը շրջակայքի բնակիչներից ոմանց համար  ծառայում է որպես աղբանոց:
Այս ակցիայի կարևոր կետերից մեկն այն է, որ  ակցիան չի ավարտվում բուն ծառատունկով, այլ մասնակիցները հոգ կտանեն ծառերի նկատմամբ, կջրեն ու կխնամեն, մինչև տնկիներն իրենց արմատները կձգեն նոր վայրում....