Photo-Mission - “Որսա Գյումրու խնդիրները քո խցիկով”

Ծրագրի գաղափարը կայանում է հետևյալում. մասնակիցները հավաքվում են քաղաքի 

նախօրոք ընտրված որևէ վայրում` իրենց հետ վերցնելով տեսախցիկներ,այնուհետև խմբով շարժվում են մի այնպիսի ուղղությամբ, որտեղ կկարողանան գեղեցիկ և թեմային վերաբերող կադրեր որսալ: Ծրագրի 4 հիմնական թեմաներն են.

1.Աղքատությունը Գյումրիում

2. Բնապահպանական վիճակը

3. Քաղաքի ճարտարապետական տեսքը

4. «Մանուկներ. հայացք առաջ»

Ֆոտոներ անելուց հետո նույն խումբը հավաքվում է տպավորություններ կիսելու, ինչպես նաև խնդիրների քննարկման: Քննարկումից հետո ընտրվում են յուրաքանչյուր անդամի օրվա լավագույն կադրերը:Երբ արդեն կավարտվի ֆոտոառաքելությունների փուլը, 4 օրերի վերջում` քննարկման արդյունքում ընտրված լավագույն ֆոտոների շարքը կներկայացվի բացօթյա ցուցահանդեսի տեսքով! Ցուցահանդեսի լավագույն ֆոտոյի հեղինակը կստանա թանկարժեք մրցանակ: Ցուցահանդեսին զուգահեռ տեղի կունենա քննարկում քաղաքի խնդիրների վերաբերյալ, որին ներկա կլինեն մասնակից երիտասարդները, հասարակական կազմակերպությունների ներկայացուցիչներ, պատկան մարմինների ներկայացուցիչներ և այլն: Քննարկման ժամանակ մասնակիցներին արված ֆոտոների միջոցով կներկայացվեն խնդիրները և փորձ կարվի լուծման ուղիներ մշակել:
Ծրագիրը հնարավորություն է տալիս երիտասարդներին առավել խորը ծանոթանալ Գյումրիի խնդիրներին, դրանք յուրովի ներկայացնել հանրությանը և միաժամանակ այս կարևոր գործի համար արժանանալ մրցանակների: Ծրագրին մասնակցելու համար պետք չէ լինել պրոֆեսիոնալ լուսանկարիչ, այլ ընդամենը կարողանալ որսալ այնպիսի կադրեր, որոնք լավագույն կարտահայտեն վերը նշված հիմնախնդիրները:

http://hetq.am/arm/news/18110/fotosharq-axqatutyuny-gyumrium.html
http://www.mynews.am/hy/node/1933

http://armphotomission.wordpress.com/

https://www.youtube.com/watch?v=XIPepABLVog&feature=player_embedded

«Երեխայի հանդեպ բռնությունը ՀՀ-ում» թեմայով

Հանդիպում-քննարկում Գյումրիում

Նոյեմբերի 17-ին «Արևամանուկ» հիմնադրամում կայացավ  երեխայի հանդեպ բռնությունների թեմայով սեմինար-քննարկում: Այն  նախաձեռնել էր, «Սեյվ դը Չիլդրեն» կազմակերպության հայաստանյան գրասենյակի կողմից իրականացվող, «Միավորվենք հանուն երեխաների, փրկենք ապագան»  / ՄՀԵՓԱ/ ծրագրի շրջանակներում ձևավորված երեխաների պաշտպանության թիմի/ ԵՊԹ/ անդամ, Գյումրու թիվ 7 դպրոցի աշակերտուհի Մարինե Մկրտչյանը: Միջոցառմանը մասնակցում էին մի քանի դպրոցների աշակերտական խորհուրդների նախագահներ և անդամներ, ԵՊԹ-ի տեղական ՀԿ-ների, ԶԼՄ-ների, Սեյվ դը չիլդրենի-ի  ներկայացուցիչներ:  Աշակերտները կարևորեցին միջոցառումը, քանի որ թեման արդիական է և շոշափում է ամեն երեխայի շահը: Մարինեն ներկայացրեց բռնության սահմանումը, տեսակները, դրանց բացահայտման ախտանիշները և հետևանքները:  Երեխաների կարծիքով բռնության տարածված տեսակ է ֆիզիկականը և հուզականը, իսկ սեռական բռնության վերաբերյալ ասվեց, որ այն դժվար բացահայտվող է: Հուզական բռնությունը, ըստ նրանց, ավելի է բարդույթավորում երեխային և խոչընդոտում նրա ինքնազարգացմանը ու մեկուսացնում է շրջապատից, վարքային շեղում է ձեռք բերում:  Շահագործումը որպես բռնություն ևս մատնաշվեց` որպես երեխայի առողջության և ֆիզիկական զարգացման լուրջ արգելք; Քննարկման ընթացքում ասվեց, որ «մայրական ծեծը» ևս բռնություն է դիտարկվում, քանի որ դաստիարակման ավելի գործուն մեթոդներ կան:  Որպես հուզական բռնության տեսակներ հնչեցվեցին ծաղրանքը, վիրավորանքը, ծնողների կողմից տարբերակում դնելը զավակների միջև: Անտեսված երեխայի մասին խոսելիս շեշտվեց այն հանգամանքը, որ դա հանդիպում է սոցիալապես ապահով և ոչ ապահով ընտանիքներում միաժամանակ: Ցուցադրվեց «Մի բռնացիր, 11 պատվիրան» տեսաֆիլմը և  ՄՀԵՓԱ-ի շրջանակներում նկարահանված սոցիալական տեսահոլովակը, որին հաջորդեց հետաքրքիր քննարկում: