Գյումրու ինֆոտան և ՏԻՄ կառույցների միջև համագործակցությունը խորանում է
Սախարովի կենտրոնի Գյումրու ինֆոտան ու Շիրազի հուշատուն-թանգարանի համագործակցությունը սկիզբ է առել դեռևս 2011թ.-ից` տարաբնույթ սեմինարներ, շնորհանդեսներ, միջազգային տոների նշում, հանդիպումներ և քննարկումներ: Շիրազի հուշատուն-թանգարանը այս տարիների ընթացքում միշտ հանդես է եկել իր սեփական նախաձեռնություններով, յուրօրինակ, հետաքրիր ու ինքնատիպ միջոցառումներով:
Ինչպես նաև հուշատուն-թանգարանի դռները միշտ բաց են եղել տարբեր արվեստագետների ու մշակութային գործիչների առջև, ովքեր թանգարանի թե շենքային և թե բակի տարածքը ծառայեցրել են իրենց աշխատանքների ներկայացման համար:
Նկատի ունենալով այս ամենն ու համագործակցության բազմաբևեռ
խորացումը՝ որոշվեց Ա.Դ.Սախարովի անվան մարդու իրավուքների պաշտպանության հայկական
կենտրոնի Գյումրի ինֆոտան և «Հովհաննես Շիրազի հուշատուն-թանգարան» ՀՈԱԿ-ի միջև կնքել
համագործակցության հուշագիր, որի նպատակն է համագործակցության կապերի էլ ավելի սերտացումն
ու շարունակականությունը:
Համագործակցության շրջանակներում նախատեսվում են ՀՈԱԿ-ի աշխատակազմի համար մեդիա դասընթացների,
վարպետության դասերի և գործնական աշխատանքների անցկացում:
Այս ամենը կնպաստի նաև ՏԻՄ-ի
հետ համագործակցության արդյունավետության բարձրացմանը:
Հովհաննես Շիրազի տուն-թանգարանը հիմնադրվել է 1983 թվականին, գործում է 2003 թվականի սեպտեմբերից։ Ընդգրկված է Գյումրու պատմության և մշակույթի անշարժ հուշարձանների ցանկում: Հայ մեծ բանաստեղծ Հովհաննես Շիրազին տունը նվիրվել է 1983 թվականի հուլիսին, սակայն բանաստեղծն այս տանը չի ապրել: Թանգարանում պահպանվում և ցուցադրվում են Հովհաննես Շիրազի անձնական իրերը, ձեռագրերը և տպագիր գործերը։ Մեծ արժեք են ներկայացնում հատկապես բանաստեղծին կամ թանգարանին նվիրաբերված նշանավոր արվեստագետների աշխատանքները:
«Գյունրի ԻնֆոՏուն» հիմնադրվել է 2011թ-ին ԵՀՀ-ի
ջանքերով և գործում է «Ա.Սախարովի անվան մարդու իրավունքների պաշտպանության հայկական
կենտրոն» ՀԿ Շիրակի տարածաշրջանային մասնաճյուղում:
«Գյումրի ԻնֆոՏուն» կազմակերպում և իրականացնում է քաղաքացիական լրագրության, մեդիա գրագիտության դասընթացներ, հանրային
միջոցառումներ, կինոդիտում-քննարկումներ և բանավեճեր, ինչպես նաև եփական նախաձեռնությամբ տարաբնույթ ակցիաներ:
Комментариев нет:
Отправить комментарий