Մշակութային ինտեգրում. արցախցի ու գյումրեցի պատանիները միասին բացահայտում են Գյումրին ու գյումրեցուն

Սախարովի կենտրոնի Գյումրի ինֆոտունն ապրիլի 11-ին Մշակութային ինտեգրում ծրագրի շրջանակներում Արցախից տեղահանված և Գյումրու թիվ 1 գիշերօթիկ հաստատությունում ապաստանած պատանիներին ու հաստատության սաներին հրավիրել էր «Հոկտեմբեր» կինոթատրոն «Դասարանցիները» ֆիլմը դիտելու:

Տիգրան Նալչաջյանի հեղինակած  «Դասարանցիները»  գեղարվեստական ֆիլմը պատմություն է դպրոցական սիրո, իսկական ընկերության և դասարանի համախմբվածության մասին:

Ֆիլմը սկսվում է նրանով, որ դասարանի աշակերտները որոշում են  գնալ տնօրենի մոտ և հրաժարվել իրենց դասղեկից, ով, ի զարմանս իրենց, արդեն հեռացված  և նույնիսկ ձերբակալված է լինում: Պաշտոնը պետք է զբաղեցնի մեկ ուրիշը, ով բացարձակ կապ չունի դպրոցական գործունեության հետ: Այսպես էլ սկսվում է հետաքրքիր պատմությունը: Նոր դասղեկը սկսում է դասարնին նորից չգոհացնել, բայց դա ժամանակի խնդիր է ընդամնեը լինում:

Ֆիլմը կատակերգության և դրամայի ժանրային  համակցությամբ  խառնուրդ է՝ հուզիչ պահերով, մտորելու տեղիք տվող, բարի, մոտիվացնող,  դաստիրակչական:  

Ներկայումս «Հոկտեմբեր» կինթատրոնը Գյումրու գլխավոր և միակ կինթատրոնն է: Բացի ներկա կինոթատրոնից Գյումրիում գործել են այլ կինոթատրոններ, ինչպիսիք էին Հայաստան, Երևան, Շիրակ:
Գյումրիում կինո հաճախելը եղել է մի մեծ արարողություն: Կինո գնալիս մարդիկ երկար պատրաստվել են, շքեղ հագնվել և հիմնականում ամբողջ ընտանիքով հաճախել: Մինչև բուն կինոթատրոնների հիմնադրումը Գյումրիում կինոն ցուցադրվել է ակումբում: Դրանք համր կինոնկարներ էին, երբ մեխանիկը պտտեցնում էր կինոժապավենը և մեկնաբանում էկրանի վրա կատարված դեպքերը:
«Հոկտեմբերը» քաղաքի առաջին կինոթատրոնն էր, որ բացվեց 1926 թվականին (ճարտարապետ Ղ. Սարգսյան): Շենքը կառուցված էր ռուսական կլասիցիզմի ոճով:
Հոկտմեբեր կինոթատրոնում ցուցադրվում էր բարձրաճաշակ կինո, քանի որ այստեղ էր գալիս քաղաքի ընտրանին:
Սկզբանական շրջանում նկարահանած ֆիլմերի (տարեկան 5-6 ֆիլմ) պրեմիերան եղել է այս կինոթատրոնում:

«Հոկտեմբերը» միայն կինոթատրոն չէր: Երբ գյումրեցիներն ասել են «Էրթանք վար» , ի նկատի են ունեցել կինոթատրոնի շրջակայքը, ուր մարդիկ զբոսնել են մինչև երեկո:
Այստեղ օրական անցկացվել է 6 ցուցադրում և 4-5 հազար մարդ է հաճախել, իսկ տարեկան հաճախորդների թիվը հասել է 1 միլիոնի:
1988 թվականի ավերիչ երկրաշարժը քանդեց կինոթատրոնը, սակայն 1996թ.-ին այն կառուցվեց նախկին տեսքով:
Գյումրին անմասն չի եղել հայկական ֆիլմի զարգացման գործում: Այստեղ են նկարահանվել «Հեղնար աղբյուր», «Եռանկյունի», «Կտոր մը երկինք», «Մեր մանկության տանգոն», «Ուրախ ավտոբուս» ֆիլմերը: 

Նյութը պատրաստեց Գյումրի ինֆոտան անդամ Շարվիկ Պետրոսյանը