Կարանտի՞ն է. միևնույն է, խնամե՛ք Ձեզ. Վեբինար

Սախարովի կենտրոնի Գյումրի ինֆոտան անդամներն ու կամավորները պարբերաբար հետևում են Հանրային լրագրության ակումբի նախաձեռնած վեբինարների շարքին, որը արծարծում է կորոնավիրուսի տարածման, վտանգների, դրանից պաշտպանվելու, ճիշտ տեղեկատվություն ստանալու և դրա հետ կապված այլ խնդիրների:

Կարանտի՞ն է. միևնույն է, խնամե՛ք Ձեզ. Ինչու՞ է կարևոր ինքնախնամքը սթրեսային իրավիճակում վեբինարը կայացավ ապրիլի 8 –ին, որը վարեց հոգեբան-հոգեթերապևտ, Հայկական Հոգեվերլուծական Ասոցիացիայի անդամ Հասմիկ Հարությունյանը:
Անհրաժեշտ է հիշել, որ Աշխարհը, այդ թվում՝ յուրաքանչյուրս՝ մեր տանը, անսովոր իրավիճակում ենք: Սթրեսայի՛ն իրավիճակում:
Կարո՞ղ ենք մենք կառավարել ինքներս մեզ այնպես, որ նվազագույն կորուստներով կամ առանց կորուստների հաղթահարենք այս իրավիճակը: Ու՞մ ձեռքին է լուծումների բանալին: Ինչու՞ է կարևոր ինքնախնամքը սթրեսային իրավիճակում:

Այս և թեմային վերաբերվող այլ հարցերի պատասխանները հնչեցին վեբինարի ընթացքում։
Վեբինարը ստպեց մեզ՝ յուրաքանչյուրիս նաև ինքնուրույն մտածել թե ի՞նչ ենք կարող անել, երբ իրադարձությունների ընթացքը մեզնից կախված չէ, ինչու՞ է կարևոր ինքնախնամքը՝ պահպանելու և բարելավելու մեր ֆիզիկական և հոգեբանական առողջությունը, ինչպե՞ս բարդ իրավիճակներում շատ պարզ գործուղությունների միջոցով հանգստացնել տագնապը և ավելի արդյունավետ մտածել ու գործել։
Միջոցառումը կազմակերպել էր Հանրային լրագրության ակումը Բաց հասարակության հիմնադրամներ - Հայաստանի աջակցությամբ։

Վեբինար. Ի՞նչ է կորոնավիրուսը․ արհեստածի՞ն, թե բնական վիրուս

Հանրային լրագրության ակումբի նախաձեռնությամբ սկսվել է վեբինարիների շարք, որի ընթացքում տարբեր ոլորտների պրոֆեսիոնալներ ներկայացնում են իրենց մասնագիտական կարծիքներն աշխարհում տարածված Կորոնավիրուսի պատճառով մարդկանց առջև ծառացած խնդիրների շուրջ:

Առաջին վեբինարը, որին մասնակցել են նաև Սախարովի կենտրոնի Գյումրի ինֆոտան անդամներն ու կամավորները՝ Կորոնավիրուս․ տեսանելի ու անտեսանելի վտանգներ թեմայով վեբինարն էր, այն տեղի ունեցավ ապրիլի 7-ին, տևեց մոտ 1,5 ժամ՝ Zoom տեսազանգերի իրականցման ծրագրի միջոցով։
Վեբինարին Երևանի գլխավոր ախտաբան, ախտաբանների ասոցացիայի նախագահ Արմեն Մխիթարյանն ու ՀՀ Առողջապահության նախարարի նախկին խորհրդական, ախտաբանների ասոցիացիայի անդամ, բժիշկ-ախտաբան Փառանձեմ Խաչատրյանը ներկայացրեցին հետևյալ հարցերը.

·        Ի՞նչ է կորոնավիրուսը․ արհեստածի՞ն, թե բնական վիրուս:

·        Որքանո՞վ է հայաստանյան առողջապահական համակարգը պատրաստ իրավիճակին․ բացթողումներ, մարտահրավերներ:

·        Կորոնավիրուսի ազդեցությունը․ ի՞նչ է տեղի ունենում մարդու օրգանիզմում:

·        Ինչո՞ւ է վտանգավոր կորոնավիրուսից մահացածների դիահերձումը:

·        Ովքե՞ր ու որտե՞ղ պետք է կրեն դիմակներ:

·        Առողջապահության նախարարի նախկին խորհրդականի ո՞ր առաջարկներն անտեսվեցին․ ի՞նչ հիմնավորմամբ:

Վեբինարի ավարտին ունկնդիրների կողմից հնչեցին հարցեր, որոնց տրվեցին մասնագիտորեն հիմնավորված պատասխաններ:

Նշենք, որ միջոցառումն իրականացվեց Բաց հասարակության հիմնադրամներ - Հայաստանի աջակցությամբ։

ՍՊԱՍԱՐԿՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ ԵՎ ԿՈՈՌՈՒՊՑԻԱՅԻ ԱՌԿԱՅՈՒԹՅՈՒՆԸ ՆՐԱՆՈՒՄ

Հարցազրույց Գյումրու համայնքապետարանի առևտրի և գովազդի սպասարկման բաժնի առաջատար մասնագետ Մարտին Վարդանյանի հետ  

-Որո՞նք են համարվում առևտրի օբյեկտի տեսակները:

 -Խանութներ, կրպակներ, հեղուկ վառելիքի, սեղմված բնական առևտրի կետերը:

-Ի՞նչ մուծումներ են կատարում առևտրով զբաղվողները և ի՞նչ գումարի մասին է խոսքը։

-Առևտրով զբաղվողները Գյումրու համայնքապետարանին վճարում են՝ հողի վարձակալություն, ոգելից խմիչք և ծխախոտ, բենզին, գազ, տեխնիկական հեղուկ, 24։00-ից հետո աշխատող, հանրային սնունդ, բացօթյա առևտուր, ոսկի, տաքսի ծառայությունների համար։

Հողի վարձակալությունը պարտավոր են մուծել տվյալ հողի քմ-ով։ Ոգելից խմիչք-ծխախոտը, հանրային սնունդը, բացօթյա առևտուրը հարկատուն պարտավոր է մուծել սահմանված քառակուսու չափով։ Բենզինը,գազը, տեխնիկականը, 24։00-ինը, ոսկին, տաքսին տարեկան։

-Ինչքա՞ն է կազմում, օրինակ, ոգելից խմիչք և ծխախոտի մուծումը։

-Ոգելից խմիչք և ծխախոտի մուծումը կատարվում է տվյալ օբյեկտի կամ խանութի քմ-ով՝ 1-ից մինչև 26քմ-ն սեփականատերը պարտավոր է մուծել եռամսյակային 18000դրամ, իսկ եթե ունի հարկատեսակներից միայն մեկ տեսակը՝ խմիչք կամ ծխախոտ ապա պարտավոր է մուծել եռամսյակային՝ 9000դրամ։ Քառակուսիների հետ գումարը կբարձրանա 1-26քմ =18000դրամ, 26-50քմ =24000դրամ և այլն։

-Գյումրիում ունենք այդպիսի խանութներ, որ միայն մի ապրանքատեսակը լինի։

-Ո՛չ, Գյումրւում այդպիսի խանութ չկա։

-Գումարը փոփոխվող է, թե՞ հստակ սահմանված է։

-Գումարը փոփոխվող է, կապված հարկատեսակներից։

-Ի՞ նչ խնդիրներ է առկա այս ոլորտում։

-Այս ոլորտում խնդիրեր  չկան, քանի որ  երկու կողմերի աշխատանքն էլ փոխհամաձայնեցված գնում է։

-Ի՞նչ վիճակագրական տվյալներր տվյալներ կան:

-Իմ աշխատած տարիների ընթացքում մեզ հատկացված տարեկան պլանից մենք կատարել ենք 97-98 տոկոս, այսինքն անցած տարիների համեմատ բյուջեի սահմանված չափը բարելավվել է։

-Ի՞նչ մակարդակի վրա է գտնվում կոռուպցիան այս ոլորտում՝ կա թե՞ բացակայում է։

-Կոռուպցիան իսպառ բացակայում է այս ոլորտում, քանի որ համայնքապետարանի աշխատակիցը չի կարող առձեռն գումար վերցնել հարկատուից։ Հարկատուն պարտավոր է եռամսյակային մուծումները կատարել բանկերի կամ տերմինալների միջոցով։ Դրանից հետո հարկատուն պարտավոր է գալ Գյումրու համայնքապետարան և ստանալ իր եռամսյակային թույլտվությունը:

-Իսկ եթե վճարումը չկատարի, հարկատուն տույժ-տուգանքի կենթարկվի, թ՞ե ոչ։

-Հարկատուն, եթե իր վճարումը չի կատարում, ապա Գյումրու համայնքապետարանի աշխատողը պարտավոր է կիրառել վարչական տուգանք։ Տուգանքի մասին հարկատուն տեղեկանում է Գյումրու համայնքապետարանի աշխատակցի կողմից տուգանքի փաստաթղթի տեսքով։ Տուգանքի չափը որոշվում է համայնքապետարանի վարույթի ժամանակ (բացառությամբ հողի վարձակալումից)։ Հարկատուն մուծում է և տուգանք և չվճարված գումարը։

-Իսկ հողի վարձակալության դեպքում ինչպե՞ս է տուգանքը սահմանվում։

-Հողի վարձակալության դեպքում, եթե չի վճարվում, փաստաթղթերը ներկայացվում է համայնքապետարանի իրավաբանական բաժին, իրավաբանների միջնորդությամբ փաստաթղթերը ներկայացվում է դատարան, դատարանի վճիռով տվյալ հողը կամ օտարվում է կամ կատարվում է վարչական տույժ։

-Ի՞նչ փաստսթղթեր են հարկավոր օրինական բազա մտնելու համար:

-Պետք է ներկայացնել անձնագիր, բացվող օբյեկտի վկայականը (եթե վկայական չունի, համայնքապետարանի աշխատակիցը չափագրում է կատարում տվյալ վայրի քմ-ը)։ ԱՁ-ն կամ ՍՊ-ն պարտադիր է ներկայանալուց հետո այդ փաստաթղթով դիմումի միջոցով պետք է մոտ՝ գործի հարկ վճարողների բազա։

-Ի՞նչ բարեփոխումներ են եղել:

-Բարեփոխումն եղել է այն, որ խանութը կամ օբյեկտը դարձել են քմ-ով և ավելի փոխշահավետ է երկուստեք, քան նախկինում։

-Ի՞նչ բարեփոխումներ են սպասվուն։

-Առաջիկայում բարեփոխումներ չեն սպասվում։

Հարցազրուցավար՝
Օլգա Սարգսյան, Գյումրի ինֆոտան մեդիագրագիտության դասընթացների շրջանավարտ (2020)

Ծանուցում*
Հոդվածում արտահայտված մտքերը և վերլուծությունները կարող են չհամըկնել Գյումրի ինֆոտան, Սախարովի կենտրոնի պաշտոնական դիրքորոշումների և տեսակետների հետ:

Լուսանկարը՝  Սարգսյան Օլգա ֆեյսբուքյան էջից:

Հուշաթերթ. Կենսաթոշակների, նպաստների վճարման վերաբերյալ պարետի կայացրած ցուցումը

Պարետ Տիգրան Ավինյանի 24.03.2020 թ.-ի N Ց/32 ցուցումով՝ 

բանկ ներկայանալու ժամկետը 2020 թվականի մարտ և ապրիլ ամիսներին լրանալու դեպքում 2020 թվականի մարտի 31-ի դրությամբ Հայաստանի Հանրապետությունում գտնվող՝

Կենսաթոշակ, խնամքի, երեխայի ծննդյան միանվագ և չաշխատող անձի մայրության նպաստ նշանակելու, կենսաթոշակ և խնամքի նպաստ ստանալու իրավունքը վերականգնելու, վճարելը վերսկսելու (չվճարված կենսաթոշակը կամ խնամքի նպաստը վճարելու), կենսաթոշակ և խնամքի նպաստը լիազորագրով վճարելու, կենսաթոշակը վերահաշվարկելու, տեսակը փոխելու դիմումը ներկայացնելու ժամկետը 2020 թվականի մարտ և ապրիլ ամիսներին լրանալու դեպքում այդ դիմումը ներկայացնելու ժամկետը սահմանվել է 2020 թվականի մայիսի 27-ը։

Հաշմանդամության ժամկետը 2020 թվականի մարտ և ապրիլ ամիսներին լրանալու դեպքում հաշմանդամության ժամկետը սահմանվել է 2020 թվականի հունիսի 1-ը։

Ընտանիքի փաստագրման ժամկետը 2020 թվականի մարտ և ապրիլ ամիսներին լրանալու դեպքում դիմելու (փաստագրվելու) ժամկետը սահմանվել է 2020 թվականի մայիսի 27-ը։

2020 թվականի մարտ և ապրիլ ամիսներին կենսաթոշակները և նպաստները կանխիկ եղանակով կվճարվեն (վճարման ծառայությունները մատուցել) բացառապես շահառուի բնակության վայրի հասցեում։

Աղբյուրը՝ http://www.mlsa.am